CAMBRIDGE PRIZE POEMS FOR 1821.
MARIA SCOTORUM REGINA.
OLIM, ut vetustis condita turribus Gentis furores et procerum dolos Regina plorabat, Leveni1
Cæruleas speculata lymphas, Admurmurantis vix sonitum lacus, Blandique voces ætheris, audiit, Sed murmur undarum querela, Et gemitu, superavit auræ Molles susurros: sub tremula face Lunæ supinas flebiliter manus Protendit ad ripas virentes,
Ad silüas, propriumque regnum: Qualis, latebris vimineæ domus Inclusa fraudes moret agrestium, Tranquilla libertatis arva
Suspiciens tacite, palumbes, Captiva, noctis territa somniis, Quietis horas excubiis dedit, Mærore contemplans inani Dedecus opprobriumque terræ ;
Gens insolentis plena licentiæ, Non auspicatis viribus, imperî Sceptrumque et assuetos honores Legitimæ Dominæ negarat:
Donec juventæ fleret inutiles Annos remoti carceris incola, Et tristis optaret beatæ
Sacra domi solitosque ritus ;
Optaret horas lætitiæ breves
Feracis inter dulcia Galliæ
Vineta, dilectas ad oras
Longum animo repetente cursum ;
Felix! sub umbra pampinea modo Vitam innocentem duceret immemor Splendoris, et curæ soluta
Præteritos revocaret annos;
Qua forte sertis comta rubentibus, Inter choreas prima sodalium, Permitteret ventis timores, Implacidos animi tyrannos.
Vernantis ævi in limine floreo Risere primum gaudia: sed brevi Sincera præsagam tulerunt Sortis amaritiem futuræ : Ergo his Voluptas rara silentibus Lusus amœnos instituit locis, Dum nigra singultu frequenti Atria personuere luctus; Ille' et, latronum victima, defuit, Qui rite lento carmine fervidos, Ut ante, leniret dolores Italicæ fidibus camœnæ.
Ecquis putaret nubila luridi Velasse cæli tam nitidum diem, Floremve tam pulchrum juventæ Flebile præripuisse letum? Hymen corollam texerat uvidam Non imbre verno sed lacrymis, rosæ Myrtoque conjungens odoræ
Funeribus sociam cupressum.
Effræna noctis numina turbidæ, Sedere venti; triste silentium Umbræque sopitas in undas, Incubuere, viæ pericla
Primum æstuosæ cum mulier retro Tentavit, udis luminibus tuens
Clivos recedentes, et arcta
Nave procul repetenda regna :
Ostendit undantem Oceanum jubar Redux diei; littora Galliæ
Linquenda moverunt amoris Soliciti resides querelas. Demens amorem gentis inhospita Speravit, iræ prodita civium; Sed dura quærenti negarunt Saxa Caledoniæ salutem: At non secundos reddidit exitus Fortuna belli; militis impetu Non profuit tanti coronam Et solium reparare avitum : Ergo vetusti te laris exulem, MARIA, cui sors debita mitior, Nutus Tyrannorum fugavit Terrificus patriis ab oris ; nempe, fraudes nectere fraudibus Edocta, fallens insidiis Soror, Utcunque regali decora
Nomine, virgineoque fastu, Perjura fœdus rupit et hospitî Sacrique amoris, scilicet invidens, Ritu puellarum, juventæ
Fœmineos teneræ triumphos. O nata suavi voce adamantina Mollire regum pectora, non levis Querela suspirans amorem,
Non lacrymæ tetigere mentem Crudelem ELISE? non niveæ manus Nudumque collum, et labra trementia, Non verba moverunt suprema Sanguinei sceleris ministrum?
Cur non potestas regia profuit? Illa, illa sæva destituit vice Te fata lugentem, gravesque Principum amicitias perosam. Quo viveres? cum sacrilegæ manus Signa illa, quamvis parva, superbiæ Regalis antiquamque sedem Sustulerant facili ruina;
Quin ante tempus canitiem dolor Inter capillos sparserat aureos,
Rosasque marcentes genarum Perdiderat taciturnus angor.
Vos, quæ tenetis compede amabili, Vultus decori blanditiæ, semel Formosa mirantem labella Et rutili radios ocelli,
O quam doloso lumine victimam, Jucunda amantem vincula, ducitis In fraudis ambages, triumphum Perfacilem furiis daturæ ;
Necnon amicos inter et æmulas Formæ sorores, indomiti quibus Per corda debacchantur ignes, Spargitis invidiæ venenum. Regum sed iræ non revolubiles Durant per annos; invalidæ silent Lites, et æternis quiescunt Compositæ tenebris sepulcri:
At non peribunt sic memores doli Prisci querelæ, dum pia floreis Sertis honoratam MARIE Progenies decorabit urnam.
C. FURSDQN,
COL. DOWNING. ALUMN.
ΕΠΑΙΖΕΝ ΑΜΑ ΣΠΟΥΔΑΖΩΝ.
Τί ῥέζεις, κακ' Ερως ; τί δὲ θνητῶν στήθεα βάλλεις ἄθλια ; φεῦ, τόξον καὶ βέλε' αἰνὰ μεθές. παίζειν σοί γε δοκεῖς; σοὶ μὲν τόδε παίγνιόν ἐστι· σπουδάζων παίζειν ταῦτα δ' ἔμοιγε δοκεῖς.
E. BAINES,
COL. CHRIST. ALUMN.
Quid longo juvat et gravi labore Doctrinam petiisse, gratius cum Ludi dent iter eruditionis ? Nam quæ pars ita dura literarum Quam non vel tabula et vagæ figuræ,' Aut pictæ valeant docere chartæ, Aut lusus aliquid genus jocosi? Sic ludus simul et simul cupido Doctrinæ puerum allicit trahitque. Non ille aut studia aut timet librorum Usus. Sponte jocum laboriosum Laboremque petit jocosiorem. Ludens disce. Adeo Scientiarum Cunctarum, mihi crede, eris magister.
E. BAINES,
COL. CHRIST. ALUMN.
SHAKSPEARE.
OTHELLO. Act I. Scene 3.
Oth. And, till she come, as truly as to heaven
I do confess the vices of my blood,
So justly to your grave ears I'll present
How I did thrive in this fair lady's love, And she in mine.
Duke. Say it, Othello.
Oth. Her father lov'd me; oft invited me; Still question'd me the story of my life, From year to year; the battles, sieges, fortunes, That I have pass'd.
I ran it through, even from my boyish days, To the very moment that he bade me tell it. Wherein I spoke of most disastrous chances,
Quibus doceri solet Geographia.
« FöregåendeFortsätt » |